Xuventú Asturianista organiza un actu d’alcordanza a la figura de Pachin de Melás

La fecha coincide col 78º aniversariu de la so muerte na cárcele d’El Coto.

Xuventú Asturianista como organización asturianista tien entre los sos principios el conservar la nuesa llingua y la nuesa historia como país y d’esta manera nun podemos escaecer la fecha na que morrió una persona tan importante p’Asturies como foi Emilio Robles Muñiz, conocíu popularmente como Pachín de Melás.

Tratóse d’un granible y popular escritor de teatru, poesía y narrativa n’asturianu y en castellán que amosó coles sos obres conexón col Pueblu; comprometíu cola cultura asturiana y coles condiciones de vida de los obreros d’aquel entós (cosa que-y valió destierru pa Sama) participó n’innumberables periódicos de la dómina pidiendo nellos ente otres coses l’autonomía p’Asturies. Yera un verdaderu amante del so país, y esto demuestrase na defensa de la democracia, el progresu social y económicu y l’identidá nacional asturiana que reclamaba, pa lluchar escontra l’escaezu de los nuesos paisanos y del so exemplu de sacrificiu. Pachín de Melás foi un patriota.

L’actu homenaxe, que se celebrará n’Antigua Cárcele d’El Coto a les 12:00 hores del 5 de marzu; tará compuestu de distintes partes como llectura de poemes, actuación musical y contará cola participación de familiares del escritor xixonés.

Desde Xuventú Asturianista y PAS invitamos a tolos ciudadanos a participar nel homenaxe a Emilio Robles Muñiz, “Pachín de Melás”, xunto cola so familia.

Anuncios
Esta entrada fue publicada en Noticies, Pachín de Melás. Guarda el enlace permanente.