ASTURIES nagua pola LLIBERTÁ (1976)

El martes caberu día 22, más de 6.000 asturianos manifestámonos en Xixón pa pidir enforma AUTONOMÍA pa la nuestra rexón y sofitu al bable.

“NAGUAMOS PELA LLIBERTÁ, LA ANISTÍA Y LA AUTONOMÍA REXONAL”, dicía una de les abondes pancartes que coleren pela rúa Corrida de Xixón. Sí, los asturianos,como los demás pueblos d’España, naguamos por esa llibertá que vien negándosenos dende fai 40 años. Libertá pa organizanos ena defensa d’unos salarios curiosos, d’un puestu trabayu pa toos, de viviendes al nuestru algame, d’una enseñanza al serviciu’l pueblu.

Naguamos pela llibertá y pol esaniciu los cuerpos de la policía que ná más que tán aperiaos pa torgánosla.

Naguamos tamién por ver les cárceles entorniaes de tantos trabayaores y fíos del pueblu qu’enagora tán nelles, castigaos por lluchar polos sos drechos y por los sos collacios de trabayu, de barriu o de universidá.

¿Y l’autonomía rexonal? Nosotros, los comunistas, facemos de nós esti rispíu ca vegá más espurría ente toos los pueblos d´España. Defendemos el drechu a l’autonomía p’Asturies nun réximen democráticu. Autonomía que va permitir al pueblu asturián facer xorrecer la so llingua y la so cultura, azministrar los sos recursos ecónomicos en porgueyu la mayoría. Galguíar la llaceria’l campu, entamala esaniciu la contaminación de les nuestres ciudaes… Escontra’l centralismu aztual que tien al pueblu lloñe de les decisiones de poder, tenemos que lluchar por una autonomía pa toes les nacionalidaes y rexones; pa que’l pueblu asturián puea esbillar y rispir a los que lu gobiernen. Sigamos lluchando por

ANISTÍA,LLIBERTÁ Y AUTONOMÍA REXONAL

Comité de Xixón del
MOVIMIENTU COMUNISTA (MC)

Fonte: Blogue Prosovieticu

Anuncios
Esta entrada fue publicada en Organizaciones polítiques. Guarda el enlace permanente.