Manifiestu “Los Pueblos tenemos la Pallabra” (03-12-2015)

sopelexu avientu

Les formaciones que soscribimos el presente sopelexu formamos parte de naciones y pueblos qu’aspiren a costruyir llibremente’l so futuru.

El modelu territorial y políticu consagráu pola Costitución de 1978 negó dende’l so aniciu la soberanía a les nueses naciones.

L’esgotamientu d’esi marcu xurídicu-políticu, que nun respondió a la volunta de los pueblos nin recoyó les ánsies de tresformación social a la salida del Franquismu ye anguañu un fechu inrefutable, lo que nun pue sinon perafitamos nel compromisu qu’alquirimos pol francimientu democráticu.

Ayeri comu güei atalantamos que la braera democracia ye aquella na que los pueblos y les presones son llibres pa costruyir un futuru de xusticia ya igualdá, lo que, pa nós, pasa equí y agora idefeutiblemente pola superanza del modelu neolliberal.

La política de vulneración de drechos sociales y de llibertaes fundamentales, d’una parte, y el debalu autoritariu d’un Estáu incapaz d’asumir el drechu de les naciones y pueblos a organizase llibremente, pel otru, fai imposible’l pautu col Estáu y resta toa credibilidá a eventuales reformes.

Por ello, y dende’l respetu a les estremaes rialidaes que se dan nes nueses naciones, proclamamos que correspuende a los nuesos pueblos y a la so ciudadanía determinar, de forma democrático’l so futuru.

Reclamamos pa los nuesos pueblos el drechu a protagonizar, si asina lo deciden les sos respeutives ciudadaníes, procestos costituyentes y afirmamos con claridá dafechu que talos procesos nun tan subordinaos a un eventual procesu de natura asemeyada a nivel del Estáu.

De fechu, la ofensiva recentralizaora del Estáu y la defensa encesa de la xunidá d’España, a la que se presten partíos de vieyu y nueu cuñu, menacien con afondar na negación de los nuesos pueblos y naciones.

Nestin sen namás podemos interpretar la refuga del Estáu español a respetar les decisiones del pueblu catalán comu una agresión estensible a la espresión de la voluntá popular en toes y caúna de les nueses naciones.

Esa actitú fondamente anti democrática pon amás de manifiestu que ye del too illusorio esperara a qu’una eventual alternancia elleutoral el prósimu 20 d’Avientu ente partíos que se ñeguen a aceutar el drechu a  decidir de los pueblos, habilite un auténticu cambiu políticu.

Ello asina, nun cabe quedar de brazos cruzaos y ye hora de dar un pasu alantre pa dicir altu y claru qu’ensin la presencia de los procesos emancipatorios de los pueblos nun ye posible’l francimientu democráticu.

En tantu qu’internacionalistes podemos identificamos y fasta compartir los anhelos de cambiu de los seutores progresistes que nel Estáu español aspiren a una tresformación política llargamente esperada.

Por embargu, atalantamos que la nuesa meyor aportación a esi enfotu de tresformación pasa por trabayar por escenarios costituyentes propios y por dar puxu a una radical tresformación sociopolítica nes nueses respeutives naciones, asina comu pol afitamientu pasu ente pasu d’una estratexa conxunta de collaboración ente les fuercies polítiques soberanistes.

Dende la convición de que por más que se trate de poner torgues al llibre exerciciu de la voluntá popular, los pueblos y la ciudadanía tienenla palllabra, espresamos el nuesu compromisu de:

  • Trabayar conxuntamente nel oxetivu común de francimientu col modelu d’Estáu consagráu pola Costitución de 1978 na llucha escontra’l centralismu y l’apertura de nueos procesos costituyentes.
  • Dar puxu, consecuentemente, a la puesta en marcha o’l desendolcu de procesos costituyentes populares, radicalmente sociales y democráticos nes nueses naciones.
  • Collaborar nel oxetivu común de que les nueses ciudadaníes respeutives se doten de los istrumentos y mecanismos precisos pa que puean decidir sobro too y ver respetaes les sos decisiones.
  • Sofitamos mutuamente énte los ataques que tan a la gueta d’impedir l’exerciciu d’esi drechu fundamental y, en xeneral, l’avance de caúna de les nueses naciones nel camín haza la so soberanía dafechu.
  • Defender el drechu de tolos pueblos a decidir el so futuru, de forma pacífico y democrático, ensin menacies nin inxerencies esternes.
Anuncios
Esta entrada fue publicada en Andecha Astur. Guarda el enlace permanente.