El congresu que quixo reconquistar Cuadonga p’Asturies (2018)

Asturies.com

29/08/2018

N’avientu de 1982 celebróse’l Congresu en Cuadonga, una iniciativa que buscaba poner en cuestión la intepretación españolista oficial y recuperar Cuadonga como momentu fundacional del Reinu d’Asturies, acordies cola interpretación historiográfica moderna.

Ente’l 17 y el 19 d’avientu del 1982 celebróse nel Hostal Favila esta iniciativa d’Amelia Valcarcel, Lluis Xabel Álvarez y Ramón Cavanilles que cuestionaba la interpretación mayoritaria nel franquismu qu’asitiaba en Cuadonga l’orixe del actual Reinu d’España y col que se pretendía actualizar la visión sobre la historia asturiana nun momentu d’inauguración del procesu autonómicu nel que’l PSOE se convirtiera na fuerza mayoritaria n’Asturies y el discursu sobre Asturies de Conceyu Bable cuayaba como alternativa a les interpretaciones oficiales hasta esi momentu.

Antón García, col que falamos, foi ún de los cerca de quince participantes, la so mayoría venceyaos a Conceyu Bable. Los convidaos pa intervenir nesti eventu que tenía de títulu ‘Papel d’Asturies na formación de los demás reinos peninsulares’ foron el medievalista Santiago Aguadé y el políticu gallegu Ramón Piñeiro, amás de José Luis Martín, que finalmente nun pudo participar. García recuérdalo “como una esperiencia mui bona. Personalmente foi la primer vegada que participaba nuna actividá política que tenía que ver col asturianu y l’asturianismu en xeneral”, señala García, que destaca que del congresu llevó tamién una rellación d’amistá con Piñeiro, “al que vía cuando visitaba Asturies o en Santiago”.

El gallegu centró la so intervención na so esperiencia galleguista enantes de la Guerra Civil, de la llenta reconstrucción del galleguismu cultural o de la rapidez na socesión d’acontecimientos tres la muerte de Franco qu’obligaba a tomar decisiones sobre la marcha pa garantizar la sobrevivencia la cultura gallega, refiriéndose tamién al final de la so intervención al casu asturianu vistu dende Galicia. Mentes, Aguadé faló de ‘reconquista’ y poblamientu rural.

Les dos conclusiones principales que salieron d’esi congresu foi la necesidá de “recuperar p’Asturies Cuadonga como seña d’identidá propia d’Asturies” y de “dar a continuidá a aquel alcuentru”. “Finalmente nun se cumplió nenguna de les dos y Cuadonga siguió teniendo esa visión españolista, difícil de cambiar”, añade García.

Entrugáu sobre si la situación actual política permitiría redefinir, actualizáu, el discursu sobre Cuadonga, García nun ve “voluntá en facelo” nes distintes fuercies. “Una parte del asturianismu apuesta pol 25 de mayu como fecha pa celabrar la Nación Asturiana y el 8 de setiembre queda no folclórico”, esplica al tiempu que ve con respeuto a Cuadonga “un sentimientu social que lu considera l’aniciu de la Reconquista y la cuna d’España, mui metíu nel ADN de los asturianos y d’una mayoría d’españoles”, pese a una historiografía “que va completamente per otru llau” y nun tien repercusión na sociedá asturiana.

Socialismu y asturianismu

La otra intención del congresu yera tender pontes ente’l socialismu mayoritariu y l’asturianismu qu’ufiertaba un modelu nuevu pa intepretar Asturies, puntu nel que tampoco nun hebo avances significativos según García: “esa foi una idea na que quixo trabayar Amelia Valcarcel. Perdimos una oportunidá de contar con una persona mui valiosa al llau del asturianismu, como posteriormente amosó cola so trayeutoria política”.

Anuncios
Esta entrada fue publicada en Prensa. Guarda el enlace permanente.

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s